Amfamalik Seira Larat Fordata

Mane amfamalik did tamata ovi rala vaidida. Ita tleal Tnebar, na'a nuhu Seira, Larat, Fordata, Molo, Maru, Nus Wotar, Labobar, ovu Yamdena na'a ni lihir varat.  Did tamata rivun vali rleal nuhu mavu. Did tamata ovi rleal Tnebar ka'abi tamata rivun vututelu rahin ilima (35.000). Tamata ovi rna'a Kecamatan Yaru, Tanimbar Utara, MoMar, Wuar Labobar ovu Wermaktian. Did tamata ovi rna'a nuhu mavu snain nlia tali tamata rivun vututelu rahin ilima (35.000).

Ahu ovi rala Vaidida

Kecamatan Yaru : Rumya'an, Rumngevur, Awear, Sofyanin, Waleran ovu Adodu.

Kecamatan Tanimbar Utara : Ridol, Ritabel, Lelingluan, Watidal, Keliobar, Kelaan, Lamdesar Varat ovu Lamdesar Timur.

Kecamatan MoMar : Molu Adodu, Wulmasa, Tutunametal, Wadan Ko'u, ovu Nurkat.

Kecamatan Wuar Labobar : Watmasa, Awear Baru, Karatat, Wunla, Kilun, Abat, Labobar ovu Nuswotar.

Kecamatan Wermaktian : Temin, Weratan, Welutu, Rumasalut ovu Kamatubun.